onsdag 25. januar 2012 22:32 Sist oppdatert onsdag 25. januar 2012 22:40

Tysdag 24.januar hadde 8. trinn ein dag der miljøarbeid stod i fokus. Elevflokken var stort sett delt inn i gutegrupper og jentegrupper heile dagen, men den siste økta var ei fellesøkt. Programmet denne dagen var delt inni tre ulike aktivitetar.

• bilbygging: elevgrupper a' tre elevar bygdde  bil av kartong
• rollespel: temaet var inkludering
• grenselaust: elevane fekk ulike funksjonshemmingar og skulle gjennom samarbeid kome seg rundt ei spesiell løype. Her var det mange utfordringar som måtte løysast!

I siste økta var ein samla og hadde billøp og kåring av vinnarar. Stemninga og innsatsen var stor.  Til slutt var det allsong i auditoriet av m.a. songen "Bestevænnar". Det var ein kjekk og lærerik dad der inkludering og samarbeid var i fokus.

måndag 23. januar 2012 08:18 Sist oppdatert måndag 23. januar 2012 10:03

8.klasse har jobba med ulike samarbeidsprosjekt i det siste!

8c er ferdig med å bygge bruer (sjå fotoalbum) og 8ab skal gjere dette no framover. Tysdag skal 8abc ha jente-/gutedag

torsdag 19. januar 2012 12:52

I samband med søknad til vgs., har alle elevane i 10. klasse tilbod om å snakke med rådgjevar. No har alle som ønskjer ei slik samtale, fått innkalling.

Om det er nokon som ikkje har fått innkalling, eller om det er nokon som har ombestemt seg og ønskjer ei slik samtale, er det sjølvsagt berre å ta kontakt.

Peder

måndag 16. januar 2012 09:57

Sogn og Fjordane fylkeskommune har laga til ein folder med informasjon om søknad til vidaregåande skule.
Når skulen får denne folderen, vil kvar elev i 10. klasse få eit eksemplar. Denne folderen skal ha blitt sendt ut i løpet av veke 2.

Digital utgåve av folderen finn du her.

torsdag 05. januar 2012 21:12

Like før juleferien hadde 9.klasse som kjent framsyning av det flotte juleprogrammet sitt i Operahuset. Denne framsyninga vart filma, og vi har no fått ordna til ein DVD med alle innslaga. Det er ikkje akkurat HD-kvalitet på opptaket, men det fungerer i massevis!
Om nokon har lyst på ein kopi kan dei kontakte ein av lærarane på 9.trinn. 
Vi tek 30 kroner pr. kopi av plata, pengane går sjølvsagt til klassekassene på 9.trinn.